samajratna.com

મોરારિ બાપુની “માનસ વંદે માતરમ કથા” ( ભાગ- ૯ )

મોરારિ બાપુની “માનસ વંદે માતરમ કથા” ( ભાગ- ૮ )

મોરારિ બાપુની “માનસ વંદે માતરમ કથા” ( ભાગ- ૭ )

મોરારિ બાપુની “માનસ વંદે માતરમ કથા” ( ભાગ- ૬ )

મોરારિ બાપુની “માનસ વંદે માતરમ કથા” ( ભાગ- ૫ )

શ્રી કેવલ કૃષ્ણ દેઓલજી આપનો સુપુત્ર ધર્મેન્દ્ર ભલે………….

પૃથ્વી પાટીદાર

ધર્મેન્દ્ર એક સાચા અદાકાર કલાકાર જ નહીં પણ એક સાચા નેકદિલ ઇન્સાન પણ ! તેઓ થોડા શરારતી, તોફાની અને કોમેડિયન પણ ખરા ! બહાદુરોના બહાદુર હતા. પોતાના અણમોલ સ્વભાવને વફાદાર હતા. મહાન આત્મા સંસારમાં રહી કઈ રીતે જીવન જીવે એ પ્રશ્નનો જવાબ હતા.
ફિલ્મ જગતની છ દાયકા કરતા લાંબી કારકિર્દીમાં અનેક નિર્માતા, દિગ્દર્શક, કેમેરામેન, હીરો હિરોઈન થી માંડીને સ્પોટબોય સુધીની વ્યક્તિઓ સાથે કામ કર્યું છતાં દરેક સાથે મીઠા મધુરા સંબંધો જાળવ્યા, માણ્યા. તેમનાં વ્યક્તિત્વમાં ભવ્યતા હતી તો સાથોસાથ સાદગી પણ હતી. તેમણે જેટલી વિવિધતા ધરાવતી ભૂમિકાઓ કરી છે તેટલી કોઈ કલાકારે નથી કરી. ભારતના ગ્રામ્ય પુરુષની તાકાત સંસ્કાર તેમના છલકાતા હતા. આથીજ ઝડપથી બદલાતી રહેતી ફિલ્મ લાઈનનો દંભ તેમને સ્પર્શી ન શક્યો. કોઈપણ સમાધાન વિના સંઘર્ષ કરી શક્યા. અનેક પ્રકારના દુર્ગુણોથી છલકાતી દુનિયામાં
આને તેમનો મોટો સદ્ગુણ કહી શકાય.
જીવનની સ્પર્ધામાં તમારી આગળ પાછળ સાથીઓ આવતા જતા રહે ત્યારે કેવી રીતે વર્તવું એ પ્રોફેસર ધર્મેન્દ્ર પાસેથી શીખવું જોઈએ. તેમના સમયમાં ફિલ્મ જગતમાં અનેક સ્ટાર્સ, સુપરસ્ટાર્સ, મિલેનિયમ સ્ટાર્સ, જ્યુબીલી, બાદશાહ આવ્યા અને જતા રહ્યા છતાં આ હિ-મેને કોઈની પણ સાથે સ્પર્ધા કરવાને બદલે પોતાની પહેલી ફિલ્મથી માંડીને છેલ્લી ફિલ્મ દરમિયાન કરોડો દર્શકોના દિલ જીતવાની મનમાં ગાંઠ વાળી અને તેને અનુસર્યા. તેમનો તો એક જ ઉદ્દેશ મારે કોઈ ટાઇટલની જરૂર નથી. મારે તો કરોડો લોકોના દિલમાં સ્થાન મેળવી તેમાં ધબકવુ છે. દેશના દિલજીગર બનવું છે. આ પછી તો તેમણે આ દિશામાં અકલ્પનીય શોહરત અને પ્રશંસા મેળવ્યા. એ સાચું છે નાની મોટી કોઈ પણ અભિનેત્રીઓ સાથે ખરાબ કે અશ્લીલ હરકતો તેમણે કરી નથી. તેમના સંબંધોમાં મિત્રતા જિંદાદિલી ધબકતી. તેમણે પોતે કહ્યું છે કે મેં દિલ સે જીતા હું. ઇમોશન્સ ઈઝ માય સ્ટ્રેન્ગ્થ.
તેમણે સંઘર્ષ ઘણો કર્યો પણ સફળતા માટે દોટ લગાવી નથી.એક દોર એવો પણ હતો કે સફળતા તેના ખોળામાં આવીને પડતી. એ પણ સાચું છે પુષ્કળ સફળતા મેળવ્યા બાદ જયારે તેમને પીછેહઠ કરવી પડી ત્યારે તેઓ કદી ગભરાયા નથી. જે કામ મળે, જેવું કામ મળે એવું લઈ આર્થિક તાકાત મેળવતા રહ્યા. અસ્તિત્વની લડાઈ લડતા રહ્યા. અનેક ઇન્ટરવ્યુમાં તેમણે જે માખણ જેવી અમૂલ્ય વાતો કરી છે એમાંથી તમને જે શીખવા મળશે તે કોઈ સ્કૂલ કોલેજમાંથી શીખવા નહીં મળે. એટલે જ કહેવું છે કે પ્રોફેસર ધર્મેન્દ્રએ સફળતા માટે પુરુષાર્થની કેડી કંડારી છે. સફળતા અને નિષ્ફળતાને સરખે ભાગે પચાવી છે અને માણી છે. એ જો આપણે શીખી લઈએ તો આપણે પણ ધર્મેન્દ્ર છીએ. ધર્મેન્દ્રના બાપુજી કેવલ કૃષ્ણ દેઓલજીની ઈચ્છા હતી કે દીકરો પ્રોફેસર બને. આથી ધર્મેન્દ્ર એક્ટર બનવા ઘરેથી નીકળ્યા ત્યારે તેઓ નારાજ હતા. આજે તેઓ સ્વર્ગમાં જ્યાં પણ હશે તેમને એટલુજ કહેવાનું કે તમારો દીકરો કોલેજનો પ્રોફેસર નહીં બન્યો પણ એનાથીય આગળ વધી સંસારનો પ્રોફેસર બન્યો. સદીઓ સુધી અમે બધા તેમના જીવનમાંથી અને ફિલ્મોની ભૂમિકાઓમાંથી જેટલી પ્રેરણા લઈ શકશું એટલી લેતા રહીશું. જીવનના સંઘર્ષોનો સામનો કરવાની કળા શીખતા રહીશું.

મોરારિ બાપુની “માનસ વંદે માતરમ કથા” ( ભાગ- 4}