સમાજ રત્ન
( ડિજિટલ મંચ )
ચાલો વધાવીએ, સમર્પિત સેવાભાવીઓને અને સફળતાના સરતાજોને
“સમાજ રત્ન”ના નામે અમારો આ ડિજિટલ મંચ સમાજને ઉપયોગી થાય એવો સેવા અને સફળતાનો પ્રેરક સંગમ છે. સફળ થવા માંગતા સાહસિકો માટે સફળ પ્રતિભાઓના પ્રેરક સૂત્રો ધરાવતા મહત્વના સમાચારો અને સેવાનો લાભ મેળવવા માંગતા જરૂરતમંદો માટે ઉપયોગી માહિતી આપ સુધી પહોંચાડવાનો નિષ્ઠાપૂર્વક પુરુષાર્થ તો અમે કરીશું જ.
સાથોસાથ આ મંચ દ્વારા પ્રસંગોપાત સમર્પિત સેવાભાવીઓને અને સફળતાના સરતાજોને બિરદાવાશે . તેમને શબ્દોના પુષ્પો દ્વારા અને ડિજિટલ પ્રમાણપત્ર દ્વારા સન્માન કરી વધાવવામાં આવશે . આના દ્વારા સેવાભાવીઓની સેવા અને સફળ પ્રતિભાઓનાં અનુભવોનો જરૂરતમંદોને લાભ મળશે. નવી પેઢીને પ્રેરણા મળશે.
સમાજ રત્ન ડિજિટલ મંચ સમર્પિત સેવાભાવી અને સફળતાના સરતાજનું સન્માન કરવા માટેની પ્રતિભાના નામોના સૂચનની પ્રતિક્ષા કરી રહ્યું છે
આદરણીયશ્રી,પ્રણામ. સેવા અને સફળતાના ક્ષેત્રે માનવીને ઉબડખાબડ જમીન ખેડીને પરસેવાથી સીંચવાનો સંઘર્ષ કરવો પડે છે ત્યારે એમાં સિદ્ધિઓ અંકુરિતથાય છે, પરિણામે સમાજનો વિકાસ થાય છે. માટે સિદ્ધિને બિરદાવવા દૃષ્ટિ જોઈએ. કોઈ સિદ્ધિ નાની નથી. આથી સમર્પિત સેવાભાવીઓને અને સફળતાના સરતાજોને બિરદાવવા એ આ ડિજિટલ મંચના પ્રમુખ ઉદ્દેશોમાંનો એક ઉદ્દેશ છે. આપની આસપાસની સેવાભાવી કે સફળ પ્રતિભાઓના નામ આપ સહુ અમને મો. 9819605645 પર અથવા મો. 9321769189 પર સૂચવશો તો અમારી વિશેષ એવોર્ડ પસંદગી સમિતિ એ પ્રતિભાઓ ના નામોનો અભ્યાસ કરી તેમનું ડિજિટલ મંચ પર શબ્દોના પુષ્પો દ્વારા અને ડિજિટલ પ્રમાણપત્ર દ્વારા સન્માન કરવાનું અમને સૂચવશે. આ પણ આપની એક પ્રકારની સમાજસેવા જ ગણાશે .અમે આપના સૂચનની પ્રતીક્ષા કરીશું.
આભાર.
સમાજ રત્ન સંપાદન વિભાગ
“સમાજ રત્ન” : ડિજિટલ મંચના અમે વિનમ્ર સેવકો
ફિલ્મ, પ્રિન્ટ અને ઇલેક્ટ્રોનિક મીડિયામાં પાંચ દાયકાની અવિરત કામગીરી દ્વારા આગવી યાત્રા કરી રહેલા પ્રસિદ્ધ પત્રકાર જિતુ સોમપુરા તથા છેલ્લા વીસ વર્ષથી ફિલ્મોની સ્પેશિયલ ઇફેક્ટ ક્ષેત્રે બહોળો અનુભવ ધરાવતા ટેક્નિકલ કાર્યોમાં નિષ્ણાત આકાશ સોમપુરા અને ડિજિટલ ક્ષેત્રે પ્રભાવી પદાર્પણ કરી રહેલા તરવરિયા તરુણ હર્ષિલ સોમપુરાની સાથે મેનેજમેન્ટ ક્ષેત્રે વર્ષોના અનુભવી રાજેશ સોમપુરા દ્વારા થઈ રહેલા આ સહિયારા પ્રયાસ અને પુરુષાર્થની સર્વોચ્ચ ફળશ્રુતી આ ડિજિટલ મંચ – “સમાજ રત્ન” છે. સેવા અને સફળતાના ક્ષેત્રે ફૂલ નહીંને ફૂલની પાંદડી રૂપે યોગદાન આપી સહુને ઉપયોગી થવાનો ડિજિટલ મંચનો આ નમ્ર પ્રયાસ રહેશે. જેમાં પ્રસંગોપાત સમર્પિત સેવાભાવીઓનું અને સફળતાના સરતાજોનું ડિજિટલ સન્માન કરાશે. નવી પેઢીને પ્રેરણા પૂરી પાડવાના ઉદ્દેશ સાથે આ મંચનો શુભારંભ કરવામાં આવી રહ્યો છે.સમાજના મુઠ્ઠી ઉંચેરા મહાનુભાવોના સન્માનની આ નવી પરંપરા સમાજ માટે લાભદાયી નીવડે એવો સહયોગ અમને મળી રહેશે એવી આપ સહુ ગુણીજનો પાસે દૃઢ શ્રદ્ધા વ્યક્ત કરીએ છે. પ્રણામ.
ડિજિટલ મંચ “સમાજ રત્ન” સંપાદન વિભાગ
